PREMIO OS BOLECHAS

 Tras a nosa participación no sorteo de Os Bolechas para as letras galegas.

Temos novas, que chegan dende a súa central, que nos informan de que resultamos premiados cun cd de OS BOLECHAS FAN UNHA BANDA.

PARABÉNS RAPACXS!

LETRAS GALEGAS

 Este ano 2022 o Día das Letras Galegas adicouse a Florencio Delgado Gurriarán. Poeta da comarca de Valdeorras que tivo que emigrar dende moi novo a Francia e posteriormente a América, pero dende alí continuou defendendo a nosa cultura e lingua galega.

Podedes ampliar a información no Dossier pedagóxico que nos achegan os Bolechas.

Co material que nos enviaron dende os Bolechas, elaboramos un recitado de poemas, así como a decoración das súas láminas obtendo como resultado esta marabillosa presentación.

Foi moi divertido facer esta tarefa sobre o escritor Florencio Delgado Gurriarán.

Feliz Día das Letras

QUE ACONTECE NA ESCOLA CANDO NON ESTAMOS?

 Acabo de recibir un correo moi misterioso, Pepiño pídeme urxentemente que vos faga chegar esta información.

Ao parecer as cámaras de seguridade da escola notaron movementos estraños nas aulas de primeiro e na biblioteca, durante o sábado 23 de abril, lembrades que se celebraba? O día do libro si, si... e obtiveron estas imaxes.

Comprobade que na casa non fagan estas falcatruadas.

Non os perdades de vista!

NOVA PISTA

 O venres cando estabamos a piques de marchar para a casa a profe Lourdes petou a nosa porta e entregounos un paquete. Nel había unha postal que nos enviaba Pepiño cunha nova pista sobra a Muller pioneira que nos toca investigar, aquí vos deixo todos os datos para que busquedes na casa posibles solucións:

Será suficiente con estas pistas? Ou Pepiño terá que enviarnos algunha mais?

Esta semana sairemos de dúbidas.

ANIMO RAPAZADA ESTAMOS A PIQUES DE CHEGAR AO FINAL

NOVA PISTA

 Acabamos de recibir un novo paquete de Pepiño, estivo moi atarefado co seu cambio de plumaxe, pero xa está de novo disposto e enviarnos información para acabar de resolver esta misión.

Estas son as fotos do aparello, ben estraño que chegou hoxe á nosa clase.

Unha riñonera?

Rumorean pola clase que se trata dun aparello para escalar, que non era unha riñonera, podedes investigar en que consiste? 

E quen pode usalo?

Esperamos as vosas aportacións, Pepiño estará encantado de recibir toda a información posible.

EXPOSICIÓN DE SELOS

 Durante o luns, martes e mércores puidemos disfrutar na entrada da nosa escola dunha exposición titulada "El mundo de los sellos". Facendo un percorrido dende o nacemento do selo, ata a actualidade, con mostras de selos moi especiais, de record, feitos con ouro, prata, cristais de swarovski... 

A maiores o encargado da exposición deunos unha sesión de formación onde repasamos o percorrido dunha carta, ou dun paquete, facendo fincapé no xeito en que temos que pagar ese envío, a través dun selo.

Escribimos a dirección no sobre e levamos a carta ó buzón de correos , a espera de que o carteiro as recollera e as distribuíra entre todos os destinatarios.

Unha actividade diferente e marabillosa.

Grazas a Federación española e sociedade filatélica por contar co noso centro para a súa exposición.

SEMANA DE DEPORTES

 A pasada semana tivemos a sorte de disfrutar dunha volta ao cole cheiña de actividades.

Dentro dos contratos programa EDU-SAÚDE podemos desfrutar de diferentes deportes que se practican na nosa contorna para así poder escoller o que mais se adecúe ós nosos gustos.

Esta semana tivemos:

O xoves visitamos as instalacións da Piscina Municipal e puidemos disfrutar dun baño, monitorizado en todo momento. Foi toda unha experiencia para moit@s.

GRAZAS ANA E LAURA

O venres continuaron as nosas actividades físicas, invitados polo Club Deportivo Baixo Miño, onde desenvolvemos unha clase de acercamento ao judo.

GRAZAS MÓNICA

Durante o mes de maio poderemos coñecer novos deportes...

ESTADES PREPARADOS?