REPASO CA-QUE-QUI-CO-CU

 Imos aproveitar o descanso de Semana Santa para facer un descanso e un repasiño da escritura con Ca- Que- Qui- Co-Cu.

Pero antes imos escoitar o Swing que tanto nos gusta.

Ca,co,cu,que,qui, una ficha interactiva de MAESTRIKA
liveworksheets.com

Lembrade que a mellor maneira de aprender como se escribe cada palabra é lendo e escribindo moito.

O contacto coas letras fai que a maxia se faga realidade.

VERMES DE SEDA

Dende fai dúas semanas temos na clase unha caixiña cuns vermiños moi pequeneiros, din que se convertirán en bolboretas para poñer ovos e volver a iniciar o ciclo da vida.

Os vermes de seda son moi especiais.

Os seus óvos comezan a eclosionar cando chega a primavera, as larvas (de apenas un par de milímetros) de cor negro están todo o día comendo. Pero... só comen follas de morera, sabedes que é a morera?

A morera é unha árbore de folla caduca, as súas follas comezan a agromar coa chegada da primavera, de feito os primeiros gromos son ideais para a alimentación dos vermes de seda porque son mais tenros que as follas de maior tamaño.

É importante que os vermes teñan sempre comida, porque pasan o día comendo.

Pouco a pouco irán medrando e poderemos vivenciar a súa metamorfose.

Aquí queda un pequeno adianto de todo o proceso.

Quero agradecer publicamente as miñas familias a súa colaboración, porque sin elas non sería posible desenvolver este proxecto, porque cada fin de semana levan para os seus fogares estes vermiños para seguir alimentándoos e prestándolles os coidados precisos.

DÍA MUNDIAL DO SÍNDROME DE DOWN

 O 21 de marzo celébrase o DIA MUNDIAL DO SÍNDROME DE DOWN

E contribuímos a súa visualización e coñemento. 

Tod@s trouxemos os nosos calcetíns desparellados, para reivindicar que todos somos TAN DIFERENTES COMO IGUAIS.

Para rematar o día fixemos a lectura do conto PEPITA ES ESPECIAL, no que relata agarimosamente como é a convivencia cunha irmá con Síndrome de Down e cales son as súas características especiais.

DÍA DA POESÍA

 O pasado 21 de marzo conmemoramos o Día Mundial da Poesía. Na nosa clase celebrámolo interpretando o poema: A MONA FUTBOLISTA de Carmen Gil.

Este poema forma parte dunha recopilación de textos coeducativos, que nos axudan a traballar a igualdade de xénero dentro da nosa aula.

Pode unha mona xogar ao fútbol? Qué pasará na sabana cando os seu compañeiros vexan a súa afección?

Escoitade o poema e teredes as respostas.

Feliz Día da Poesía

DÍA INTERNACIONAL DAS MATEMÁTICAS

O pasado día 14 de marzo conmemorouse o Día internacional das matemáticas, por coincidir cas primeiras cifras do número pi (3.14)

Para conmemoralo tivemos na biblioteca do centro unha sesión de lóxica matemática dirixida pola profesora do IES A Sangriña, Paula Orta, ademáis nai dun alumno do noso centro.

Nesta sesión de matemáticas manipulativas fixemos tarefas de lóxica e coñecemento de conxuntos. 

Foi unha xornada moi entretida e produtiva, porque si algo sabemos na nosa clase é que a mellor maneira de aprender é divertíndonos, xogando e manipulando.

GRAZAS PAULA

AS PLANTAS

 E neste mes de febreiro investigamos e descubrimos unha chea de cousas sobre as plantas. 

Podedes ver na entrada de O NOSO XARDÍN todas as dúbidas que nos xurdiron ao comezo do noso proxecto. Son seres vivos?, son todas iguais?, por que unhas teñen follas e outras non? 

Nun primeiro momento investigamos en diferentes soportes:

🌱Vídeos:

🌱LIBROS

🌱EXPERIENCIAS

Con toda esta información cubrimos o noso Flipbook sobre as plantas.

Onde guardamos datos como: partes das plantas, tipos de plantas…

E finalmente fixemos unha pequena reportaxe con todo o aprendido. 

Pinchade na imaxe para ver o resultado:

BO TRABALLO RAPACXS

XOGO DA MIÑOCA

Dentro do programa Revitaliza, tivemos a sorte de participar nunha sesión do XOGO DA MIÑOCA, en que consistiu? 

Nun gran taboleiro estaban dispostas diferentes casiñas.

Coñecimos que son as miñocas, e cal é a súa función dentro dun composteiro, e como é o coidado e os elementos que debemos votar para obter un bo compost.

Nalgunhas das casiñas fomos retados a facer unha axeitada clasificación do lixo en diferentes contenedores, así como a saber que debemos facer con diversos elementos como o aceite, as menciñas...

Aprendimos un montón